Экскурсия

Бүгін «Ботай» мемлекеттік тарихи-мәдени музей-қорығына Антоновка мектебінің оқушылары келді. Экскурсия барысында балалар Ботай қонысының тарихымен танысып, ежелгі дәуірдегі тұрмыс-тіршілік, мәдени мұра және археологиялық ерекшеліктер туралы қызықты ақпарат алды.

Музей қызметкерлері танымдық экскурсия өткізіп, оқушыларға тарихи-мәдени мұраны сақтау мен дәріптеудің маңыздылығы туралы баяндады.

Осындай кездесулер жас ұрпақтың тарихқа деген қызығушылығын арттырып, туған өлкенің мәдени құндылықтарын құрметтеуге ықпал етеді.